सहकार मंत्री बाबासाहेब पाटील गोंदियाचे तर सार्वजनिक बांधकाम मंत्री शिवेंद्रसिंह भोसले लातूरचे पालकमंत्री

चाकूर : 18 जानेवारी /मधुकर कांबळे
महाराष्ट्र राज्याचे मंत्री आणि राज्यमंत्री यांची जिल्हा पालकमंत्री तसेच सह पालकमंत्री म्हणून सामान्य प्रशासन विभागाने नियुक्ती केली आहे. यानुसार राज्याचे सहकारमंत्री बाबासाहेब पाटील यांची गोंदियाचे तर लातूर जिल्ह्याचे पालकमंत्री म्हणून राज्याचे सार्वजनिक बांधकाम मंत्री शिवेंद्रसिंह भोसले यांची नियुक्ती करण्यात आली आहे.
मुख्यमंत्री देवेंद्र फडणवीस यांच्याकडे गडचिरोली जिल्ह्याचे पालकमंत्रीपद असणार आहे तर उपमुख्यमंत्री अजित पवार यांच्याकडे पुणे आणि बीड या दोन जिल्ह्यांचे पालकमंत्रीपद देण्यात आले आहे.तसेच उपमुख्यमंत्री एकनाथ शिंदे यांच्याकडे मुंबई शहर आणि ठाणे या दोन जिल्ह्यांचे पालकमंत्रीपद देण्यात आले आहे.ॲड.आशिष जयस्वाल यांच्याकडे गडचिरोलीच्या सहपालकमंत्री पदाची जबाबदारी देण्यात आली आहे.
उर्वरित जिल्ह्यांचे पालकमंत्री व सहपालकमंत्री
====================================
नागपूर व अमरावती : चंद्रशेखर बावनकुळे,अहिल्यानगर : राधाकृष्ण विखे-पाटील,वाशीम : हसन मुश्रीफ,सांगली : चंद्रकांत पाटील,नाशिक : गिरीश महाजन, पालघर : गणेश नाईक,जळगाव : गुलाबराव पाटील,यवतमाळ : संजय राठोड,मुंबई उपनगर : ॲड.आशिष शेलार तर सहपालकमंत्री मंगलप्रभात लोढा,रत्नागिरी : उदय सामंत,धुळे : जयकुमार रावल,जालना : श्रीमती पंकजा मुंडे,नांदेड : अतुल सावे, चंद्रपूर : डॉ.अशोक उईके,सातारा : शंभूराज देसाई,रायगड : कु.आदिती तटकरे,नंदुरबार : ॲड.माणिकराव कोकाटे,सोलापूर : जयकुमार गोरे,हिंगोली : नरहरी झिरवाळ,भंडारा : संजय सावकारे,छत्रपती संभाजीनगर : संजय शिरसाट,धाराशिव : प्रताप सरनाईक,बुलढाणा : मकरंद जाधव (पाटील),सिंधुदुर्ग : नितेश राणे,अकोला : आकाश फुंडकर,कोल्हापूर : प्रकाश आबिटकर तर सहपालकमंत्री श्रीमती माधुरी मिसाळ,वर्धा : डॉ.पंकज भोयर आणि परभणी : श्रीमती मेघना बोर्डीकर