पत्रकार संजय पाटील यांना राष्ट्रीय कर्मयोगी पत्रकारिता पुरस्कार जाहीर

चाकूर : 28 नोव्हेंबर /मधुकर कांबळे
चाकूर येथील पत्रकार संजय पाटील यांना नाशिक येथील दर्पणकार बाळशास्त्री जांभेकर पत्रकार संघाच्या वतीने दिला जाणारा राष्ट्रीय कर्मयोगी पुरस्कार जाहीर झाला असून 5 जानेवारी 2025 रोजी नाशिक येथे या पुरस्काराचे वितरण होणार आहे.
दर्पणकार बाळशास्त्री जांभेकर पत्रकार संघाचे राष्ट्रीय अध्यक्ष डॉ. महेंद्र देशपांडे यांनी या पुरस्काराची घोषणा केली असून दैनिक नवराष्ट्रचे चाकूर तालुका प्रतिनिधी संजय अण्णाराव पाटील यांना पत्रकारिता व सामाजिक क्षेत्रातील कार्याची दखल घेवून राष्ट्रीय कर्मयोगी पत्रकारिता पुरस्कार जाहीर केला आहे. हा राष्ट्रीय पुरस्कार वितरण समारंभ रविवार दि.5 जानेवारी 2025 रोजी दुपारी 2.30 वा. रोटरी क्लब सभागृह,गंजमाळ शालिमार जवळ नाशिक येथे विविध मान्यवरांच्या उपस्थितीत संपन्न होणार आहे.
या कार्यक्रमात विविध क्षेत्रात उल्लेखनीय कार्य करणाऱ्या कर्तृत्ववान व्यक्तींना या प्रतिष्ठेच्या राष्ट्रीय पुरस्काराने सन्मानित करण्यात येणार आहे. यात संजय अण्णाराव पाटील यांचा समावेश आहे. हा पुरस्कार मिळाल्याबद्दल त्यांचे विविध स्तरातून अभिनंदन होत आहे.