चाकूर नगरपंचायतीच्या उपनगराध्यक्षपदी साईप्रसाद हिप्पाळे यांची बिनविरोध निवड

चाकूर : 9 एप्रिल / मधुकर कांबळे
येथील नगरपंचायतीच्या उपनगराध्यक्षपदी साईप्रसाद शिवराज हिप्पाळे यांची बिनविरोध निवड झाली आहे.
उपनगराध्यक्षपद अरविंद बिरादार यांनी 28 मार्च 2025 रोजी आपल्या पदाचा राजीनामा दिला होता. त्यामुळे उपनगराध्यक्ष पद हे रिक्त झाले होते.या रिक्त झालेल्या उपनगराध्यक्षपदासाठी बुधवार दि.9 एप्रिल 2025 रोजी नगरपंचायत सभागृहात पिठासीन अधिकारी तथा उपविभागीय अधिकारी मंजुषा लटपटे यांच्या अध्यक्षतेखाली विशेष सभा घेण्यात आली.यात उपनगराध्यक्षपदासाठी साईप्रसाद शिवराज हिप्पाळे यांचा एकमेव अर्ज आल्यामुळे साईप्रसाद हिप्पाळे यांची उपनगराध्यक्षपदी बिनविरोध निवड झाल्याचे पिठासन अधिकारी लटपटे यांनी जाहीर केले.यावेळी नगराध्यक्ष कपिल माकणे,मुख्याधिकारी प्रतीक लंबे उपस्थित होते.या निवडीनंतर नगराध्यक्ष कपिल माकणे व गटनेते करीमसाब गुळवे यांच्या हस्ते नूतन उपनगराध्यक्ष साईप्रसाद हिप्पाळे यांचा सत्कार करण्यात आला.
या निवडीवेळी सभागृहात माजी उपनगराध्यक्ष तथा नगरसेवक अरविंद बिरादार,गटनेते करीमसाहेब गुळवे,गटनेत्या हिरकणबाई लाटे, नगरसेवक मिलिंद महालिंगे,अभिमन्यू धोंडगे,भागवत फुले,मुज्जमील सय्यद,नितीन रेड्डी,नगरसेविका गोदावरी पाटील,ज्योती स्वामी,गंगुबाई गोलावर,शाहीनबानू सय्यद,शुभांगी कसबे,वैशाली कांबळे,शबाना सय्यद,सुजाता रेड्डी,आदी उपस्थित होते.