लोककल्याण ग्राहक संरक्षण संस्थेच्या जिल्हाध्यक्षपदी संग्राम वाघमारे यांची निवड

चाकूर : 5 ऑक्टोबर /मधुकर कांबळे
चाकूर येथील निर्भीड युवा पत्रकार संग्राम वाघमारे यांची लोककल्याण ग्राहक संरक्षण संस्थेच्या लातूर जिल्हाध्यक्षपदी निवड करण्यात आली असून या निवडीचे पत्र लोककल्याण ग्राहक संरक्षण संस्थेचे राष्ट्रीय अध्यक्ष दिनकर आमकर यांनी वाघमारे यांना दिले आहे. या निवडीबद्दल त्यांचे सर्व स्तरातून अभिनंदन केले जात आहे.
लोककल्याण ग्राहक संरक्षण संस्था ही संस्था भारतभर ग्राहक संरक्षणाचे काम करीत आहे. त्यामध्ये उपभोक्ता संरक्षण कल्याण अधिकाराच्या माध्यमातून लातूर जिल्हा कार्यक्षेत्रामध्ये काम करण्यासाठी संग्राम वाघमारे यांच्या सामाजिक कार्याची दखल घेऊन ग्राहक संरक्षण कायदा या विषयी त्यांनी प्रबोधन आणि जानजागृती करावी म्हणून त्यांना भारतीय अन्न महामंडळाचे सदस्य, लोक कल्याण ग्राहक संरक्षण संस्थेचे राष्ट्रीय उपाध्यक्ष दिपक तांबे यांच्या शिफारशीनूसार राष्ट्रीय अध्यक्ष दिनकर आमकर यांनी नियुक्ती पत्र पाठवून त्यांची निवड झाल्याचे कळविले आहे.
वाघमारे यांना नेमून दिलेल्या जिल्हा,तालुका आणि गावांमध्ये पदाधिकारी निवड करण्याचा अधिकार देण्यात आल्याचे पत्रात म्हटले आहे. त्यांच्या या निवडीबद्दल लातूर जिल्हातून अभिनंदन होत आहे.