आ. बाबासाहेब पाटील यांच्याकडून विकास कामाचा धडाका सुरु,चाकूरात केले 7 कोटी 60 लक्ष रुपयांच्या विविध विकास कामाचे भूमिपूजन व लोकार्पण

चाकूर : 3 ऑक्टोबर / मधुकर कांबळे
अहमदपूर चाकूर तालुक्यात विविध विकास कामाचा धडाका आ. बाबासाहेब पाटील यांनी सुरु केला असून आज शुक्रवार दि.4 ऑक्टोबर रोजी चाकूर शहरातील विविध विकास योजने अंतर्गत विविध प्रभागात आ.पाटील यांच्या हस्ते 7 कोटी 60 लक्ष रुपयांच्या विविध विकास कामाचे भूमिपूजन व लोकार्पण करण्यात आले.
सकाळी 9 वाजल्यापासून ते सायंकाळी साडेचार वाजेपर्यंत भूमिपूजन व लोकार्पण कार्यक्रमाची रेलचेल सुरु होती.या कार्यक्रमास नगराध्यक्ष कपिल माकणे, उपनगराध्यक्ष अरविंद बिरादार,मुख्याधिकारी प्रतीक लंबे,जिल्हा नियोजन समितीचे सदस्य पद्माकरराव पाटील, राष्ट्रवादीचे तालुकाध्यक्ष शिवाजीराव काळे, बाजार समितीचे संचालक यशवंतराव जाधव,चेअरमन गोविंदराव माकणे,राष्ट्रवादीचे नेते बालाजी सूर्यवंशी,भानुदास पोटे,अनिल वाडकर,ॲड. संतोष गंभीरे,गणपत कवठे,राष्ट्रवादी सामाजिक न्याय विभागाचे तालुकाध्यक्ष विश्वनाथ एडके,शहराध्यक्ष शिवशंकर हाळे, युवक शहराध्यक्ष बिलाल पठाण,बालाजी भोरे आदी मान्यवर उपस्थित होते.
शहरातील लेक्चर कॉलनी,हसन कुबडे यांच्या घरासमोर,लिमरास नगर,ॲड.जवादे यांच्या घरासमोर, बुलंदभाई नगर,बालाजी धोंडगे यांच्या घरासमोर,बाळू लाटे यांच्या घरासमोर,विठ्ठल रुख्मिणी मंदिरासमोर,शनिमंदिरासमोर,ईदगाह मस्जिद समोर,जुनी मस्जिद समोर,अलाउद्दीन पटेल यांच्या घरासमोर, राममंदिर सभागृहासमोर,बोथीरोड,वैशाली बुद्ध विहारासमोर, एस. बी. आय. बँके समोर,ओमशांती मंदिरासमोर,उत्तमराव पाटील डी. पी. समोर, मुस्लिम स्मशानभूमी ,सार्वजनिक स्मशानभूमी समोर ,ओम लोया यांच्या घरासमोर,महात्मा बसवेश्वर चौक वाड्याखाली व जय भवानी मंदिरासमोर.विविध विकास कामाचे भूमिपूजन व लोकार्पण करण्यात आले.
या भूमिपूजन व लोकार्पण कार्यक्रमास नगरसेवक, प्रभागातील नागरिक यांच्यासह महायुतीचे पदाधिकारी, कार्यकर्ते मोठया संख्येने उपस्थित होते.