राष्ट्रवादी काँग्रेस पार्टीचे स्टार प्रचारक म्हणून सहकार मंत्री ना. बाबासाहेब पाटील यांची निवड
चाकूर : 14 नोव्हेंबर (मधुकर कांबळे )
महाराष्ट्रात होत असलेल्या नगर परिषद व नगर पंचायतीच्या निवडणुकीसाठी राष्ट्रवादी काँग्रेस पार्टीच्यावतीने स्टार प्रचारकांची नियुक्ती करण्यात आली असून यामध्ये पक्षासाठी सर्वस्व झोकुन देऊन काम करणारे व सामान्य जनतेचे नेते म्हणून ओळख असणारे राज्याचे सहकार मंत्री ना. बाबासाहेब पाटील यांची महाराष्ट्राचे स्टार प्रचारक म्हणून राष्ट्रवादी काँग्रेसचे प्रदेशाध्यक्ष खा. सुनील तटकरे यांनी नियुक्ती केली आहे.
सध्या राज्यात नगर परिषद व नगर पंचायतीच्या निवडणुकीचा कार्यक्रम जाहीर झाला असून राज्यभर राष्ट्रवादी काँग्रेस पार्टीचे ध्येय धोरणे सर्वसामान्य नागरिकांपर्यंत पोहोचवण्याचे काम करा असे आदेश राष्ट्रवादी काँग्रेस पार्टीचे राष्ट्रीय अध्यक्ष तथा राज्याचे उपमुख्यमंत्री ना.अजित पवार यांनी दिले आहेत.राष्ट्रवादी काँग्रेस पार्टीचे उमेदवार जास्तीत जास्त निवडून आणण्यासाठी प्रदेशाध्यक्ष खा. तटकरे यांनी महाराष्ट्रात स्टार प्रचारकांची नियुक्ती केली आहे. यामध्ये सहकार मंत्री ना. बाबासाहेब पाटील यांची निवड झाल्याने राष्ट्रवादी काँग्रेस पार्टीच्या पदाधिकारी व कार्यकर्त्यांनी अभिनंदन करून शुभेच्छा दिल्या आहेत.
