प्रत्येक व्यक्तींनी वर्षातून किमान एकदा तरी आरोग्य तपासणी करून घ्यावी – सहकार मंत्री नामदार बाबासाहेब पाटील

यावेळी पुढे बोलताना ना. पाटील म्हणाले की आरोग्याची काळजी घेत स्वच्छता ठेवणे हे महत्त्वाचे असून स्वतः बरोबर परिसराची स्वच्छता राखली पाहिजे.शासन मुख्यमंत्री सहायता निधीतून अनेक रुग्णांना मदत करत असून सर्वसामान्य जनतेसाठी अनेक योजना राबवत आहे. या सर्व शासकीय आरोग्य योजनेचा लाभ रुग्णांनी घेतला पाहिजे.शासनाने हे शिबिर महिला सशक्त राहिली पाहिजे यासाठी आयोजित केले आहे. घरातील महिला सशक्त आणि निरोगी असेल तर कुटुंब व्यवस्थित असते असे सांगून आरोग्य विभागाने या शिबिराचा लाभ सर्वसामान्य जनतेपर्यंत पोचवावा.असेही ना.पाटील म्हणाले.
या कार्यक्रमाचे प्रास्ताविक जिल्हा शल्यचिकित्सक डॉ.प्रदीप ढेले यांनी केले. कार्यक्रमाचे सूत्रसंचालन वैद्यकीय अधीक्षक डॉ.जितेन जैस्वाल यांनी केले.यावेळी रुग्ण कल्याण समिती सदस्य शिवदर्शन स्वामी, नगरसेवक मुज्जमील सय्यद,माजी सरपंच किशन रेड्डी, माजी उपसरपंच मुर्तूजा सय्यद,माजी जिल्हा परिषद सदस्य दयानंद सुरवसे,राष्ट्रवादीचे जिल्हा उपाध्यक्ष बालाजी सूर्यवंशी,तालुका उपाध्यक्ष सिद्धेश्वर अंकलकोटे, गणपत नितळे, अनिल वाडकर, गंगाधरअप्पा अक्कानवरू, शिवप्रसाद शेटे, विश्वनाथ एडके,रविंद्र कुलकर्णी,मधुकर मुंडे, संदीप शेटे, अजित सौदागर आदी मान्यवर उपस्थित होते.या कार्यक्रमास तालुक्यातील मोठ्या प्रमाणात महिला व तालुक्यातील वैद्यकीय विभागातील अधिकारी व कर्मचारी उपस्थित होते.