पावसाच्या रेड अलर्टमुळे उद्या लातूर जिल्ह्यातील शाळांना जिल्हाधिकाऱ्यांनी केली सुट्टी जाहीर

लातूर : 26 सप्टेंबर (मधुकर कांबळे)
हवामान खात्याने लातूर जिल्ह्यासाठी उद्या शनिवार दि.27 सप्टेंबर 2025 रोजी पावसाचा रेड अलर्ट जारी केला आहे. त्यामुळे विद्यार्थ्यांच्या सुरक्षिततेसाठी जिल्हाधिकारी तथा जिल्हा दंडाधिकारी वर्षा ठाकूर-घुगे यांनी लातूर जिल्ह्यातील सर्व अंगणवाडी, सरकारी व खाजगी प्राथमिक व माध्यमिक शाळा, जिल्हा परिषद शाळा, नगरपालिका शाळा, अनुदानित व विना अनुदानिक शाळा, सर्व आश्रमशाळा, सर्व महाविद्यालय, खाजगी शिकवणी तसेच आयुक्त व्यवसाय व प्रशिक्षण केंद्र यांच्या आस्थापनेवरील शैक्षणिक संस्थांना दि. 27 सप्टेंबर, 2025 रोजी सुट्टी जाहीर केली आहे.